2018 елның 17 октябрендә бер төркем пенсионерлар Әлки районы Юхмачы авыл җирлеге ветераннар Советы бүлекчәсе рәисе Кузнецов Владимир Александрович җитәкчелегендә Лисенков музеенда булды. . Алар өчен музей заллары буйлап мавыктыргыч экскурсия үткәрелде. Аларга бигрәк тә “Космонавтика залы” һәм яшьлек хәтирәләрен яңарткан «ХХ гасыр залы» ошады. Алар музейда үзләренең фоторәсемнәрен, туганнарының һәм танышларының фотоларын күреп, гаҗәпләнеп калдылар. Шулай ук алар "Тыл хезмәтчәннәре", "Геройлар”, “Ана даны” һәм "Үзәк” паркларда булдылар.