Чемпионат 16-19 мартта Башкортстанның Стәрлетамак шәһәрендә узды. Районыбызның яшьләр эшләре һәм спорт бүлеге белгечләре әйтүенчә, ил күләмендәге бу җиңү – Әлки тарихында беренче. Анар Масимов татарча көрәш белән кечкенәдән шөгыльләнә. Район, республика күләмендәге байтак бәйгеләрдә катнашып призлы урыннар яулады. Авыл, район Сабантуйларында да көрәшеп бүләк алмый калганы юк диярлек.