Әлки районында ел башыннан бирле 28 бала туган, 11 гаилә төзелгән

Бәбиләрнең 15 е – малайлар. Балаларның күпчелеге (12) гаиләдә икенче булып туган.  Ә март аенда ЗАГС бүлегендә 11 бәби теркәлгән. Мартта – 3, ә ел башыннан бирле 11 гаилә төзелгән. Тик аерылышучылар да күп. Үткән айда – 2, ә ел башыннан 10 гаилә таркалган.

Чагыштыру өчен: 2016 елның мартында 26 бәби туган, 12 гаилә төзелгән, 2 пар аерылышкан. Елның беренче кварталында 53 бала дөньяга килгән, 22 никах теркәлгән, 6 пар таркалган.